‘एक चिकित्सक, एक स्वास्थ्य संस्था’ कार्यक्रम नै लागु नभएका कारण बजेट फ्रिज

‘एक चिकित्सक, एक स्वास्थ्य संस्था’ कार्यक्रमको बजेट फ्रिज हुने भएको छ । सरकारले यो कार्यक्रमका लागि चालु आर्थिक वर्षमा २४ करोड रकम बजेट विनियोजन गरेको छ ।

सरकारी निकायमा कार्यरत चिकित्सकले निजी क्षेत्रको स्वास्थ्य संस्थामा काम गर्न नपाउने भनेर सरकारले यो कार्यक्रम ल्याएको हो । यो कार्यक्रम लागु गर्न कार्यविधि नै ल्याइएको छ ।

तर बजेट पर्याप्त नहुँदा लागु गर्न नसकेको सरकारी निकायको दाबी छ । यता अध्ययन बिनै कार्यक्रममा ल्याइएको हुनाले लागु हुन सम्भव नरहेको चिकित्सकहरूको भनाइ छ ।

देशभर स्वास्थ्य क्षेत्रमा कार्यरत जनशक्ति ३१ हजार ६ सय ५० जना छन् । देश संघीयतामा गएपछि केन्द्रमा १ हजार ४१८ जना स्वास्थ्यकर्मी समायोजन भएका थिए ।