आज विश्व मुटु दिवस । संसारभर सबैलाई आफ्नो मुटुको हेरचाह गर्न सचेत गराउने उद्देश्यले विश्व मुटु दिवस मनाउने गरिन्छ ।
विश्व स्वास्थ्य संगठनका सदस्य राष्ट्रहरुमा यो दिवस मनाउने गरिन्छ । विश्व स्वास्थ्य संगठनका अनुसार हरेक वर्ष मुटु सम्बन्धि रोगबाट ३९ लाख मानिसको मृत्यु हुने गर्न । यो कुल मृत्युको लगभग ३० प्रतिशत हो । नेपालमा पनि विभिन्न संघ, संस्थाले विभिन्न कार्यक्रम गरी
मुटु दिवस मनाइदैँ छ। विश्व मुटु दिवसका अवसरमा स्वास्थ्य मन्त्रालयले मुटुरोगबाट कसरी बच्ने भनेर एक सन्देश प्रवाह गरेको छ ।
मुटुका रोगहरूबाट बच्न के गर्ने ?
-चुरोट, सुर्ती, गुट्खा, खैनी र मदिरा नखाने
-दैनिक ६-८ घण्टा सुत्ने
-दैनिक ३० मिनेट हिँड्ने, व्यायाम गर्ने, योग गर्ने
-हरियो तरकारी र फलफूल प्रशस्त खाने । नुन, चिनी, चिल्लो कम खाने
-बालबालिकाको घाँटी दुख्दा, टन्सिल बढ्दा तुरुन्त औषधी गराउने
-पीर, चिन्ता नलिने र कसैसँग नरिसाउने
-उच्च रक्तचाप, मधुमेह, कोलेस्ट्रोल आदि रोगलाई पालेर नराख्ने, तुरुन्त उपचार गर्ने
-केही समस्या नभए पनि कम्तिमा वर्षको एक पटक नियमित रूपमा स्वास्थ्य परीक्षण गराउने
