युनिलिभर नेपालको नगद लाभांश वितरण गर्ने घोषणा

युनिलिभर नेपालले आर्थिक वर्ष २०७९/८० को मुनाफाबाट नगद लाभांश वितरण गर्ने घोषणा गरेको छ।

कम्पनीको असोज २६ गते बसेको कम्पनीको सञ्चालक समितिको बैठकले सेयरधनीहरूलाई प्रतिकित्ता १ हजार ५८० रुपैयाँका दरले नगद लाभांश वितरण गर्ने निर्णय गरेको हो। कम्पनीको यो लाभांश हालसम्म वितरण गरेको लाभांशमध्ये सबैभन्दा बढी हो। गत वर्ष कम्पनीले प्रतिकित्ता १ हजार २१५ रुपैयाँका दरले नगद लाभांश वितरण गरेको थियो।

उक्त  लाभांश कम्पनीको आगामी साधारण सभाले पारित गरेपछि सेयरधनीहरूले पाउनेछन्।

यस अवधिसम्म कम्पनीको सेयरमूल्य ६.५० प्रतिशतले बढेर प्रतिकित्ता मूल्य ३७ हजार ५०० रुपैयाँ पुगेको छ।