नयाँ वर्षको अवसर पारेर सुजुकीको ‘क्यास पाऊँ एक्कासि’ योजना
- १६ चैत्र, २०८०
- अर्थ
- Nepal Updates
सुजुकी मोटरसाइकल तथा स्कुटरको नेपालका लागि आधिकारिक आयातकर्ता तथा बिक्रेता भीजी अटोमोबमाइल्स प्रालिले आउँदै गरेको नेपाली नयाँ वर्षको अवसर पारेर ‘क्यास पाऊँ एक्कासि’ योजना सार्वजनिक गरेको छ ।
कम्पनीले आफ्ना ग्राहकहरूलाई मध्यनजर गर्दै आफ्नो उत्कृष्ट मोटरसाइकल तथा स्कुटरको खरिदमा १० हजारदेखि १ लाख रुपैयाँसम्मको नगद छुट पाउन सकिने ‘क्यास पाऊँ एक्कासि’ योजना सार्वजनिक गरेको हो ।
कम्पनीका अनुसार, यो योजनाअन्तर्गत ग्राहकहरूले प्रत्येक सुजुकी मोटरसाइकल तथा स्कुटरको खरिदमा १० हजार रुपैयाँ छुटका साथै थप स्क्र्याच कार्डमार्फत १ लाख रुपैयाँसम्म क्यास एक्कासि पाइने योजना ल्याइएको छ । त्यस्तै, कुनै पनि पुराना मोटरसाइकल तथा स्कुटरसँग नयाँ सुजुकी एक्सचेन्ज गर्दा बजारमा प्रचलित मूल्याङ्कनभन्दा १५ हजार रुपैयाँ बढीको मूल्याङ्कन गरिने र स्कुटरमा २० हजार नगद छुट प्राप्त गर्न सकिनेछ वा फाइनान्समा ० प्रतिशत ब्याजदरमध्ये जुन ठीक लाग्छ, त्यो ग्राहकवर्गहरूले छनोट गर्न सक्नेछन् ।
सुजुकीका कुनै पनि मोटरसाइकल वा स्कुटरको खरिदमा कम्पनीले ५ वर्षको इन्जिन वारेन्टीका साथै २० वटा सर्भिस कुपनको सुविधा पनि थप उपलब्ध हुने बताइएको छ । यो योजना १४ चैत २०८० देखि १८ जेठ २०८१ सालसम्म लागू हुने कम्पनीले बताएको छ ।