जंगीअड्डामा राष्ट्रिय सुरक्षा अवस्थाबारे छलफल हुने
- १६ फाल्गुन, २०८०
- राजनिति
- Nepal Updates
नेपाली सेनाले आन्तरिक तथा बाह्य सुरक्षा स्थितिबारे समीक्षा गर्ने पृतनापतिहरुको सम्मेलन सुरु भएको छ । बुधबारदेखि सुरु भएको सम्मेलन तीन दिनसम्म चल्ने छ ।सम्मेलमा राष्ट्रिय सुरक्षाको अवस्था, चुनौति, भूराजनीतिक परिवेश लगायतका विषयमा पनि जर्नेलहरुले विश्लेषण सुनाउनेछन् ।
उपप्रधान एवं रक्षामन्त्री पूर्णबहादुर खड्काको उपस्थितिमा सुरु भएको सम्मेलनमा सेनाका विभिन्न विभाग, महानिर्देशनालय र निर्देशनालयका प्रमुखहरुले समेत आ–आफ्नो जिम्मेवारी क्षेत्रको वस्तुस्थिति, सम्पादन गरेको कार्यको समीक्षा र सुझावहरु प्रस्तुत गरेको सैनिक प्रवक्ता कृष्णप्रसाद भण्डारी बताउँछन् ।